Ein Gwybodaeth
- Dim ond ar gyfer ei defnyddio yn y Deyrnas Unedig mae’r wefan hon ar gael a dim ond os ydych yn breswylydd yn y Deyrnas Unedig y mae’r cynnyrch a gwasanaethau arni ar gael.
- Caiff y wefan ei llywodraethu gan gyfreithiau Lloegr a Chymru a bydd unrhyw anghydfod yn deillio ohoni dan awdurdodaeth llysoedd Lloegr yn unig.
- Byddwn yn cyfathrebu gyda chi yn Saesneg. Os gofynnwch i ni gyfathrebu gyda chi yn Gymraeg, gwnawn hynny cyn belled ag y gallwn.
- Cyfeiriad ein Prif Swyddfa: Cymdeithas Adeiladu Principality, Adeiladau Principality, Heol y Frenhines, Caerdydd CF10 1UA.
- Awdurdodir a rheoleiddir Cymdeithas Adeiladu Principality gan yr Awdurdod Gwasanaethau Ariannol ar gyfer derbyn adneuon, morgeisi preswyl a threfnu a chynghori ar yswiriant cyffredinol (awdurdodiad rhif 155998). Nid yw’r Awdurdod Gwasanaethau Ariannol yn rheoleiddio morgeisi masnachol neu gysylltiedig â busnes.
- Medrwch wirio ein hawdurdodiad ar Gofrestr yr Awdurdod Gwasanaethau Ariannol (FSA) neu drwy gysylltu â’r FSA ar 0845 606 1234.
Morgeisi
- Dim ond ar eiddo yn Lloegr a Chymru y mae morgeisi ar gael.
- Dim ond ar ein cynnyrch morgais ein hunain y rhoddwn wybodaeth a dim ond ein cynnyrch morgais ein hunain a gynigiwn.
- Mae’n rhaid i chi fod yn 18 oed neu drosodd i wneud cais am forgais gyda ni. Rydym hefyd yn argymell eich bod yn ystyried eich trefniadau sicrwydd bywyd a diogelu incwm pan fyddwch yn ystyried cymryd morgais. Cynhelir asesiad o’ch statws ariannol a’ch gallu i fforddio morgais pan wnewch gais.
- Nid ydym yn cynnig unrhyw forgeisi masnachol neu fusnes a gaiff eu rheoleiddio gan yr FSA. Nid yw llawer o forgeisiau prynu-i-osod yn cael eu rheoleiddio gan yr FSA ychwaith. Byddwn yn eich hysbysu os caiff morgais ei reoleiddio gan yr FSA.
Yswiriant
- Dim ond ar gynnyrch yswiriant cyffredinol gan nifer o ddarparwyr y mae gennym berthynas â hwy yr ydym yn cynghori a rhoi gwybodaeth arnynt.
Cynllunio a Chyngor Ariannol
- Nid yw’r Gymdeithas yn darparu cyngor ar gynllunio ariannol a buddsoddi, ond mae’n cyflwyno’n unig i Aviva Life Services UK Cyfyngedig. Cofrestrwyd yn Lloegr Rhif 2403746. Cyfeiriad cofrestredig: 2 Rougier Street, York, YO90 1UU. Caiff Aviva Life Services UK Cyfyngedig ei awdurdodi a’i reoleiddio gan yr Awdurdod Gwasanaethau Ariannol (Awdurdodiad Rhif 145452).
- Dim ond at gynnyrch a gwasanaethau’r Gymdeithas a chwmnïau UK Life y bydd unrhyw gyngor ar gynllunio ariannol a buddsoddi a roddir gan Aviva yn cyfeirio.
- Ar gyfer morgeisi Lifetime a’r cynllun Refersiwn Cartref, dim ond cyflwyno i Aviva Life Services UK Cyfyngedig y mae’r Gymdeithas. Cofrestrwyd yn Lloegr Rhif 2403746. Cyfeiriad cofrestredig: 2 Rougier Street, York, YO90 1UU. Caiff Aviva Life Services UK Cyfyngedig ei awdurdodi a’i reoleiddio gan yr Awdurdod Gwasanaethau Ariannol (Awdurdodiad Rhif 145452).
Ymwadiad
- Ni chaiff unrhyw wybodaeth a roddir ar y safle hwn ei ystyried yn gyngor ariannol. Os ydych angen cyngor ar unrhyw gynnyrch neu wasanaeth a gynigir gennym, yna gofynnir i chi gysylltu â ni’n uniongyrchol yn unol â’r cyfarwyddyd ar y safle.
Gweithdrefn Cwynion
- Mae manylion pellach ar ein gweithdrefn cwynion ar gael o unrhyw un o’n canghennau neu ein Canolfan Cyswllt Cwsmeriaid. Gall unrhyw gwynion na fedrwn eu datrys gael eu cyfeirio at Wasanaeth yr Ombwdsman Ariannol.
Iawndal
- Deuwn o fewn gorchudd y Cynllun Iawndal Gwasanaethau Ariannol (FSCS) a sefydlwyd dan Ddeddf Gwasanaethau Ariannol a Marchnadoedd 2000. Fel cwsmer i Gymdeithas Adeiladu Principality caiff eich cyfrif(on) gyda ni eu gorchuddio os nad ydych yn unrhyw un o’r categorïau sy’n anghymwys am y Cynllun. Mae’r categorïau hyn yn cynnwys:
- Cwmni mawr
- Partneriaeth fawr
- Cymdeithas gydfuddiannol fawr
- Awdurdod lleol, taleithiol neu fwrdeisiol
- Sefydliad credyd
- Sefydliad gwasanaethau ariannol tramor
- Cronfa bensiwn ac ymddeol neu ymddiriedolydd cronfa o’r fath
- Llywodraeth, neu awdurdod gweinyddol canolog
- Cwmni o fewn grŵp Cymdeithas Adeiladu Principality
- Person sy’n dal 5% neu fwy o gyfalaf Gymdeithas Adeiladu Principality neu unrhyw gwmni yn y grŵp
- Archwilwyr Cymdeithas Adeiladu Principality a’i grŵp
- Person a ystyrir yn gyfrifol am ddiffygdaliad Cymdeithas Adeiladu Principality sy’n sbarduno’r FSCS.
- Unrhyw berson y mae ei hawliad yn deillio o drafodion yn cyfeirio at euogfarn a gawsant am wyngalchu arian.
Dim ond os yw sefydliad ariannol yn dod yn ansolfedd neu’n diffygdalu ar ei oblygiadau y mae’r FSCS yn talu iawndal am golled ariannol. Mae’r terfynau iawndal fesul person fesul cwmni.
Adneuon Manwerthu
Caiff adneuon gan unigolion preifat a busnesau bach eu diogelu gan yr FSCS. Uchafswm lefel yr iawndal ar gyfer hawliadau banc a chymdeithas adeiladu yw £85,000 fesul person a hwn yw’r uchafswm ar gyfer cyfanswm yr holl gyfrifon adnau sydd gan yr unigolyn gyda ni.
Morgeisi
Uchafswm yr iawndal am hawliadau yn erbyn busnesau a ddatgenir mewn diffygdaliad yw £50,000 fesul person fesul cwmni. Ni fyddai hawliad yng nghyswllt morgais ond yn gorchuddio hawliadau megis am gam-werthu neu am adennill symiau a dalwyd nad oedd yn ddyledus, er enghraifft.
Buddsoddiadau
Ar gyfer hawliadau yn erbyn busnesau mewn diffygdaliad, sy’n ddarparwyr cynnyrch buddsoddiad, mae gorchudd y FSCS hyd at £50,000 y person. Nid yw Cymdeithas Adeiladu Principality yn rhoi un ai gyngor ar fuddsoddi na buddsoddiadau ond yn cyflwyno cwsmeriaid i Aviva.
Yswiriant
Gorchuddir cyngor a threfnu yswiriant ar gyfer 90% o werth eich hawliad (nid oes uchafswm). Mae gwybodaeth bellach am drefniadau’r cynllun iawndal ar gael gan yr FSCS.
Galwadau Ffôn
- Gall galwadau ffôn gael eu monitro neu eu recordio i’n helpu i gynnal ein gwasanaeth a safonau diogelwch. Rheolau Cymdeithas Adeiladu Principality
- Cliciwch yma i ddarllen dogfen ‘Rheolau Cymdeithas Adeiladau Principality’(pdf46KB).
