Canllaw Yswiriant Cartref

Prin iawn yw'r eiddo materol sydd gennym mewn bywyd sy’n bwysicach na’r to uwch ein pennau a’r eitemau rydym ni’n yn eu trysori. Os ydych chi’n benthyca gan fenthyciwr morgais, bydd yn ofynnol i chi drefnu yswiriant adeiladau digonol gan fod benthycwyr yn dymuno diogelu eu hunain pe caiff yr adeiladau eu difrodi neu eu dinistrio.

Fel arfer, mae yswiriant adeiladau yn rhoi sicrwydd rhag difrod gan bethau fel stormydd a llifogydd, tân ac ymsuddiant. Mae hefyd yn cynnwys gosodiadau a ffitiadau parhaol yn yr eiddo, fel yr ystafell ymolchi, y gegin, cypyrddau dillad sy'n rhan o'r adeilad ac addurno, ond dylech archwilio eich polisi yn ofalus bob amser i wneud yn siŵr eich bod yn gwybod yn union yr hyn sydd wedi ei gynnwys a’r hyn nad yw wedi ei gynnwys.

Nid yw'r rhan fwyaf o bobl yn sylweddoli faint yw gwerth cynnwys eu cartref neu’r gost o brynu eitemau newydd yn eu lle pe byddent yn cael eu colli neu eu difrodi, tan i rywbeth ddigwydd. Mae'n bwysig sicrhau bod eich cynnwys yn cael ei ddiogelu'n briodol, neu gallech golli arian sylweddol pe byddai colled neu ddifrod yn digwydd.