Rydym yn aelod o Gynllun Iawndal y Gwasanaethau Ariannol a
sefydlwyd o dan Ddeddf Gwasanaethau a Marchnadoedd Ariannol 2000.
Fel un o gwsmeriaid Cymdeithas Adeiladu’r Principality, mae eich
cyfrif/cyfrifon gyda ni wedi’u diogelu gan Gynllun Iawndal y
Gwasanaethau Ariannol hyd at uchafswm o £50,000 yr unigolyn, oni
bai eich bod yn un o’r canlynol:
- Cwmni mawr
- Partneriaeth fawr
- Cymdeithas gydfuddiannol fawr
- Awdurdod lleol, taleithiol neu fwrdeistrefol
- Sefydliad credyd
- Sefydliad gwasanaethau ariannol dramor
- Cronfa bensiwn ac ymddeol neu ymddiriedolwr cronfa o’r
fath
- Awdurdod gweinyddol y llywodraeth neu awdurdod gweinyddol
canolog
- Cwmni o fewn grŵp Cymdeithas Adeiladu’r Principality
- Unigolyn sy’n dal 5% neu fwy o gyfalaf Cymdeithas Adeiladu’r
Principality neu unrhyw gwmni yn y grŵp
- Archwilwyr Cymdeithas Adeiladu’r Principality a’i grŵp
- Unigolyn sy’n cael ei ystyried yn gyfrifol am ddiffygdalu
Cymdeithas Adeiladu’r Principality sy’n sbarduno Cynllun Iawndal y
Gwasanaethau Ariannol
- Unigolyn y mae ei hawliad yn deillio o drafodion sy’n ymwneud â
chollfarn a gafodd am wyngalchu arian.
Cwmpesir 100% o adneuon o £50,000 fesul buddsoddwr. Os oes
gennych forgais gyda ni hefyd, caiff unrhyw swm sy’n ddyledus i chi
ei gymhwyso gyntaf i leihau balans unrhyw forgais sy’n weddill a
all fod gennych.
O ran rhoi cyngor ar forgeisi a’u trefnu, cwmpesir 100% o’r
£30,000 cyntaf a 90% o’r £20,000 nesaf, felly’r uchafswm iawndal yw
£48,000.
O ran y rhan fwyaf o fathau o fusnes buddsoddi, ac eithrio
adneuon, cwmpesir 100% o’r £30,000 cyntaf a 90% o’r £20,000 nesaf,
felly’r uchafswm iawndal yw £48,000.
O ran rhoi cyngor ar yswiriant a’i drefnu, cwmpesir 100% o’r
£2,000 cyntaf a 90% o weddill yr hawliad, heb unrhyw derfyn
uchaf.
Gallwch gael rhagor o wybodaeth am drefniadau’r cynllun iawndal
gan yr FSCS http://www.fscs.org.uk/.