Cyfrif plant

Sut gallaf wneud cais?
Gallwch naill ai galw i mewn i’ch cangen leol i wneud cais neu glicio ar y botwm ‘Gwnewch Gais Nawr’ isod a chwblhau cais ar-lein.

Beth mae’r cyfrif yn ei gynnig?

Yn ogystal â chael cyfradd amrywiol gystadleuol, caiff eich plentyn gadw-mi-gei Dylan y Ddraig am ddim a phaslyfr personol a gaiff ei ddiweddaru bob tro y byddant yn talu arian i mewn fel y gallant weld eu harian yn tyfu.

Y cyfan sydd ei angen i agor cyfrif yw £1 (gallwch agor cyfrif ar ran eich mab, eich merch, eich nith, eich nai, eich ŵyr neu’ch wyres) a gall unrhyw un ychwanegu arian pryd bynnag y mynnant.

I agor cyfrif, bydd angen i chi ddod â’r canlynol i’ch cangen leol:

• Isafswm o £1 i agor y cyfrif (yr uchafswm buddsoddiad yw £25,000).
• Tystysgrif geni eich plentyn
• Os ydych wedi bod yn aelod o’r Principality am fwy na blwyddyn, dewch â thystiolaeth o’ch llofnod a llythyr wedi’i lofnodi gyda’ch enw a’ch cyfeiriad arno, gan esbonio perthynas y plentyn i chi – e.e. mab, merch, nai, nith, ŵyr, wyres.
• Os nad oes gennych gyfrif gyda’r Principality eisoes, bydd angen i ni gael prawf o bwy ydych.
• Os yw eich plentyn yn 14 oed neu’n hŷn, gall fynd i’w cangen leol o’r Principality ac agor Cyfrif Plant ei hun, ar yr amod bod ganddo brawf o bwy ydyw. Bydd ein staff yn falch o’i helpu ac yn fodlon ateb unrhyw gwestiynau.

Os cewch anhawster i ddarparu’r ddogfennaeth ofynnol, cysylltwch â ni. Gallwch hefyd drefnu archeb sefydlog er mwyn gwneud taliadau rheolaidd i’r cyfrif.

Sut y telir llog?

Bydd eich plentyn yn cael llog blynyddol ar yr arian y bydd wedi’i gynilo, y byddwn yn ei gyfrifo ar 1af Ionawr. Fel arfer, nid oes rhaid i blant dalu treth ar eu cynilion. Fodd bynnag, bydd angen i chi gwblhau ffurflen R85 er mwyn sicrhau na fyddwch chi na’r plentyn yn talu treth heb angen.

Sut y gall fy mhlentyn godi arian?

Gallwch godi arian o Gyfrif Plant unrhyw bryd. At ddibenion treth, dylid codi arian yn enw’r plentyn neu dylech ddangos ei fod er lles eich plentyn. Yr uchafswm y gallwch ei godi mewn un diwrnod mewn unrhyw un o’n canghennau yw hyd at £500 mewn arian parod neu £25,000 drwy siec.

* Gros yw’r gyfradd llog gytundebol sy’n daladwy cyn didynnu treth incwm ar y gyfradd a nodir gan y gyfraith.

** Ystyr AER yw’r Gyfradd Gyfatebol Flynyddol ac mae’n dangos beth fyddai’r gyfradd llog pe bai llog yn cael ei dalu a’i adlogi unwaith y flwyddyn. Gan y bydd pob hysbyseb ar gyfer cynnyrch cynilo sy’n nodi cyfradd llog yn cynnwys AER, byddwch yn gallu cymharu’r enillion y gallwch ddisgwyl eu cael o'ch cynilion dros amser yn haws.

# Net yw’r gyfradd llog sy’n daladwy ar ôl didynnu treth incwm ar y gyfradd a nodir gan y gyfraith.