Annual General Meeting

Ein blaenoriaeth bob amser yw diogelwch ein Haelodau a'n staff, ac felly o ystyried yr heriau parhaus, gwnaethom y penderfyniad i gynnal ein Cyfarfod Cyffredinol Blynyddol ar-lein eleni. Rydym yn ffodus bod rhai o'n staff hefyd yn Aelodau cymwys ac felly wedi mynychu'r cyfarfod yn bersonol, gan gyflawni ein gofynion cyfreithiol. Gwyddom fod hyn wedi bod yn siomedig, o bosibl, i'r Aelodau, ond gobeithiwn eich bod yn deall ac yn cytuno â'r dull o weithredu.

Fodd bynnag, eich Cymdeithas chi yw hon o hyd, ac felly roedd yn bwysig iawn i ni eich bod wedi cael cyfle i glywed gan eich Bwrdd, a gofyn cwestiynau iddynt. Diolch i bawb a fynychodd ein Cyfarfod Cyffredinol Blynyddol rhithwir cyntaf, ac i'n Haelodau a gyflwynodd eu cwestiynau ymlaen llaw. Rydym wrth ein bodd ein bod wedi cael mwy na 100 ohonoch yn gwylio'n fyw, o gysur a diogelwch eich cartrefi eich hun. I'n Haelodau nad oeddent yn gallu ymuno â ni y tro hwn, gallwch ddarllen trawsgrifiadau'r areithiau gan Laurie Adams ein Cadeirydd, a Julie-Ann Haines, ein Prif Swyddog Gweithredol isod. Gallwch hefyd wylio rhai o Aelodau ein Bwrdd yn trafod rhai o'u huchafbwyntiau personol hyd yma, a meysydd pwyslais ar gyfer y dyfodol.

Mae ein rhyngweithiadau gydag Aelodau mor ddefnyddiol o ran deall lle mae angen i ni ganolbwyntio a gwella, ond hefyd yr hyn y mae'n rhaid i ni barhau i'w wneud. Rydym ni wir yn gobeithio ailddechrau digwyddiadau wyneb yn wyneb yn y dyfodol, pan fydd y canllawiau'n caniatáu, ac edrychwn ymlaen at weld cynifer ohonoch â phosibl. Tan hynny, parhewch i ofalu amdanoch chi eich hunain a'ch anwyliaid.

Trawsgrifiad o'r araith a wnaed gan ein Cadeirydd,
Laurie Adams Cliciwch yma i lawrlwytho trawsgrifiad PDF

Trawsgrifiad o'r araith a wnaed gan ein Prif Swyddog Gweithredol, Julie Ann Haines Cliciwch yma i lawrlwytho trawsgrifiad PDF

Voting Results 2021

Principality. Lle mae cartref yn bwysig.