Edrychwch ar eich biliau a’ch darparydd trydan a nwy. Efallai eich bod yn talu llawer mwy na’r angen pan fo cyflenwr ynni rhatach yn awyddus i’ch cael yn gwsmer.

Ffoniwch eich darparwyr ffôn symudol a band eang. Os gofynnwch chi am dariff is, mwy na thebyg y byddwch yn cael hynny. Yr unig beth y bydd yn rhaid i chi ei wneud fydd goddef cerddoriaeth wael am ychydig wrth aros.

Cyn i chi hyd yn oed groesi trothwy siop, gwnewch yn siŵr eich bod wedi ysgrifennu rhestr siopa yn gyntaf. Byddwch wedyn ond yn prynu yr hyn sydd ei angen arnoch yn hytrach na chael eich denu gan gynigion arbennig.

A oes gwir angen i chi brynu eitem newydd yn lle’r hen un? A allech chi arbed arian ac atgyweirio’r hen un yn hytrach? Gwrthwynebwch y diwylliant taflu a chael hwyl ar yr un pryd.

Gwnewch yn siŵr nad ydych chi’n talu am unrhyw hen danysgrifiadau y dylid bod wedi eu canslo ers talwm. Gallech chi synnu o weld am beth yr ydych chi’n talu.

Mae gan y Principality ddewis eang o gyfrifon lle y gellir cael gafael  ar yr arian yn rhwydd, a gallwch wneud hynny heb orfod rhoi rhybudd. Mae’r cyfrifon cynilo bob dydd hyn yn ddelfrydol i gynilo ar gyfer digwyddiad annisgwyl neu wyliau. Gallwch ychwanegu at eich cyfrif pryd y mynnwch a chodi arian mor aml ag y dewiswch, gan eich helpu i reoli’r adegau da a gwael mewn bywyd. Cyfraddau llog amrywiol fydd ar y cyfrifon hyn fel arfer.

I grynhoi:

• Hawdd ei agor a’i reoli
• Cael gafael ar eich arian pan fo’i angen
• Agor cyfrif gyda chyn lleied ag £1

Mae dewis y Principality o gynilion a bondiau cyfnod sefydlog am gyfnod penodol –rhwng 1 a 5 mlynedd fel arfer. Mae gadael eich arian heb ei gyffwrdd am gyfnod penodol yn golygu fel rheol eich bod yn cael gwell arenillion ar eich buddsoddiad. Gallwch fuddsoddi cyfandaliad mewn bond cyfnod sefydlog neu roi adneuon rheolaidd mewn Bond Cynilo Rheolaidd.

I grynhoi:

• Fel arfer yn cynnig y cyfraddau llog uchaf
• Rydych yn rhoi eich arian i gadw am gyfnod penodol ac ni chewch godi arian o’r cyfrif

Cyfrif Cynilo Unigol yw ISA. Os ydych yn cynilo mewn ISA, cewch gadw’r cyfan yr ydych yn ei ennill ar y buddsoddiad hwnnw heb dalu treth arno.

Mae dewis y Principality o gyfrifon ISA yn eich helpu i dyfu eich cynilion yn ddi-dreth a manteisio i’r eithaf ar eich Lwfans ISA blynyddol.

Pa un a ydych yn dymuno cael gafael ar eich arian yn rhwydd neu’n chwilio am fuddsoddiad tymor hwy, mae gennym ISA Arian Parod sy’n addas i chi.

I grynhoi:

• Llog di-dreth ar eich cynilion
• Cynilwch eich lwfans ISA blynyddol mewn ISA Arian Parod
• Buddsoddiadau lle y gellir cael gafael ar yr arian yn rhwydd neu rai tymor hwy â chyfraddau sefydlog

If you’re happy to give advance notice before withdrawal, Principality's 60 Day Notice Account gives you a better return on your savings than you would get with an instant access account. Notice periods typically range from 30 to 60 days depending on the notice account, if you want to take money out, or you will lose some interest if you don’t provide notice.

In short:

• Typically offer higher rates of interest than instant access accounts
• Notice needed to withdraw your money

Mae dewis y Principality o gyfrifon cynilo i bobl o dan 18 oed yn ffordd wych i bobl ifanc gynilo, ac yn ffordd wych iddynt ddysgu cynilo.

Rydym yn cynnig cyfrifon bond cynilo rheolaidd dim rhybudd. Mae ein Cyfrif Plant yn gwobrwyo eich plentyn trwy roi cadw-mi-gei Dylan y Ddraig am ddim a phaslyfr personol er mwyn i’r plentyn allu gweld ei arian yn tyfu.

I grynhoi:

• Ffordd wych o annog eich plentyn i gynilo
• Hawdd ei agor a’i reoli
• Agor cyfrif gyda chyn lleied â £1

Mae’n bryd i gyfrifo eich incwm misol a’ch holl wariant, gan gynnwys biliau cyfleustodau, contractau ffôn symudol, morgais neu rent, teithio, siopa bwyd, aelodaeth campfa, tanysgrifiadau, ac ati. Er mwyn hwyluso pethau, mae llawer o apiau cyllidebu defnyddiol ar gael ar-lein. Pan fyddwch wedi cyfrifo’r swm sydd gennych yn weddill, dyna’r swm y gallech ei gynilo.

Os ydych o ddifrif ynglŷn â chynilo, dechreuwch wahaniaethu rhwng yr hyn yr ydych ei eisiau a’r hyn yr ydych ei angen. Er enghraifft, a oes wir angen siaced newydd arnoch? A allwch chi goginio yn hytrach nag archebu cludfwyd? Yn fuan iawn, byddwch yn prynu mwy o’r hyn sydd ei angen arnoch a llai o’r hyn nad oes ei angen arnoch.

Pan fyddwch wedi cyfrifo faint o arian sydd gennych yn weddill bob mis, sefydlwch orchymyn sefydlog ar gyfer pob diwrnod cyflog i drosglwyddo’r swm hwnnw yn awtomatig i’ch cyfrif cynilo. Ni fyddwch yn gweld ei eisiau os nad oedd yr arian gennych yn y lle cyntaf a gallai eich cynilon ddechrau tyfu o ddifrif.

Mae bob amser yn fwy anodd gwario arian parod na thalu ar gerdyn. Mae hyn oherwydd eich bod yn gweld yr arian yr ydych yn ei wario. Mae wir yn gwneud i chi aros a meddwl. Ceisiwch wahardd eich hun rhag defnyddio cardiau a chodi digon o arian parod i bara am wythnos. Bydd llawer llai o demtasiwn i wario yn y siopau.

Mae’n swnio’n amlwg, ond po fwyaf yw’r gwahaniaeth rhwng eich enillion a’ch gwariant, y mwyaf y gallwch ei gynilo bob mis. Os ydych chi wedi bod yn mwynhau mwy o foethusion nag y gallwch eu fforddio mewn gwirionedd, dewiswch un peth moethus i wobrwyo eich hun ag ef.

Mae eich lwfans ISA unigol yn ddi-dreth, sy’n golygu nad ydych chi’n talu unrhyw dreth. Cewch gadw’r holl log a delir i chi.

Gallwch rannu eich lwfans, codi arian a rhoi arian yn ôl cyn diwedd yr un flwyddyn dreth heb golli arian, a chewch ddewis opsiwn llog misol neu flynyddol.

Yn dibynnu ar delerau eich cyfrif, gallech chi drosglwyddo arian sydd mewn cyfrif ISA Stociau a Chyfranddaliadau i gyfrif ISA Arian Parod neu fel arall, drwy ddod i gangen neu ein ffonio ni.

Os yw eich cynilion mewn cyfrif cynilo cyfradd sefydlog nad yw’n ISA, efallai na fyddwch chi’n gallu codi eich arian tan ddiwedd y tymor hwnnw. Fodd bynnag, ni chaniateir i fanciau a chymdeithasu adeiladu wneud hyn gyda chyfrifon ISA. Felly, er y bydd angen i chi roi cyfnod rhybudd o bosibl ac mewn rhai achosion efallai y codir tâl arnoch, byddwch chi bob amser yn gallu cael gafael ar eich arian.

Mewn achos o farwolaeth, gellir trosglwyddo cyfrifon ISA i’ch gŵr neu wraig neu bartner sifil. Os hoffech gael gwybod yr holl fanylion, cysylltwch â ni.

Pan fydd eich cynilion mewn cyfrif ISA, ni fyddwch chi’n talu treth ar eich llog, hyd yn oed os bydd eich incwm yn cynyddu ac yn eich rhoi mewn band treth uwch, a fyddai’n arwain at leihad yn eich Lwfans Cynilo Personol. 

Os ydych chi’n drethdalwr cyfradd sylfaenol, gallwch ennill hyd at £1,000 o log mewn blwyddyn dreth ar draws bob un o’ch cyfrifon cynilo nad ydynt yn ISA heb orfod talu yr un geiniog o dreth. Ar gyfer trethdalwyr cyfradd uwch, mae’r ffigwr hwnnw’n newid i £500.

Bydd pob banc a chymdeithas adeiladu yn rhoi’r gorau i dynnu treth oddi ar yr holl log a enillir ar eich cynilion nad ydynt yn ISA. 

Mae’r holl log a enillir ar eich cynilion ISA yn gwbl ddi-dreth.

Erbyn hyn cewch chi godi arian o rai cyfrifon ISA a’i ail-fuddsoddi yn yr un flwyddyn dreth honno, heb iddo gyfrif tuag at eich lwfans ISA blynyddol. Mae pob cyfrif ISA Cyfradd Amrywiol, cyfrif e-ISA a chyfrif ISA Addewid y Principality yn hyblyg.