Eiddo nodedig yn Hampstead yn sicrhau cyllid datblygu

Mae’r datblygwr preswyl a masnachol sefydledig, Cowell Group, wedi cael cyfleuster tir a datblygu gwerth £2.2 filiwn gan Gymdeithas Adeiladu Principality, i gefnogi un o’i ddatblygiadau diweddaraf yn Hampstead Garden Suburb, Llundain.

Lleoliad eithriadol

Mewn un o'r lleoliadau preswyl mwyaf poblogaidd yn Llundain, bydd yr eiddo hanesyddol hwn – cartref pedair ystafell wely sydd wedi'i restru yn Radd II ac yn waith eiconig gan Syr Edwin Lutyens – yn cael ei adnewyddu'n ofalus. Bydd y gwaith moderneiddio yn trawsnewid yr eiddo yn gartref teuluol o safon uchel iawn.

Mae'r prosiect yn cyfuno lleoliad eithriadol â benthyciwr sydd â phrofiad helaeth. Mae gan Cowell Group hanes profedig o gyflawni cynlluniau tebyg, ynghyd â gwybodaeth eang am ei farchnad darged. Mae'r galw am gartrefi o ansawdd uchel yn yr ardal hon yn parhau i fod yn gryf, sy'n rhoi hyder yn y datblygiad.

Adeiladu ar berthynas lwyddiannus

Dyma'r ail ailddatblygiad preswyl y mae Principality Masnachol wedi cefnogi Cowell Group gydag ef yn ystod y flwyddyn ddiwethaf. Daw hyn yn dilyn y gwaith llwyddiannus o ariannu Gloucester Place Mews yn Marylebone, lle gwerthwyd yr eiddo wedi'i gwblhau ar yr ymweliad cyntaf.

Mae'r cytundeb diweddaraf hwn yn adlewyrchu cryfder y berthynas rhwng y ddwy ochr.

Dywedodd Nick Cowell, Cyfarwyddwr Sefydlu Cowell Group:

“Yn ein barn ni, roedd dull gweithredu Principality yn un deinamig iawn. Rydym wedi benthyca symiau sylweddol o arian ers 2018 ar gyfer prosiectau buddsoddi a datblygu, a’r hyn rydym yn ei werthfawrogi am y Gymdeithas yw ei bod bob amser ar gael i ni gysylltu â hi; rydym bob amser yn delio â’r un unigolion, ac maent yn gwneud ymdrech fawr i feithrin perthnasoedd da gyda ni.

O safbwynt trafodion, mae'r Gymdeithas yn ymateb yn gyflym iawn, ac unwaith y bydd wedi gwneud penderfyniad, mae'n cadw ato. Byddwn yn argymell Cymdeithas Adeiladu Principality yn gryf, a byddwn yn parhau i weithio gyda hi hyd y gellir rhagweld.”

Dywedodd James Ford, Uwch-reolwr portffolio, Cymdeithas Adeiladu Principality: 

“Nid dyma'r eiddo treftadaeth cyntaf y mae Cowell Group wedi gweithio arno. Mae ei brofiad yn rhoi hyder i ni yn ei allu i ailddatblygu'n llwyddiannus o fewn cyfyngiadau adeilad rhestredig. Gan ein bod eisoes wedi gweithio gyda'i gilydd ar brosiectau eraill, rydym wedi datblygu perthynas waith gref gyda Cowell Group, ac rydym yn deall ei farchnad yn ogystal â'i allu i gyflawni canlyniadau eithriadol.”