Principality Masnachol yn cyhoeddi partneriaeth bwysig

Sut y gwnaethom helpu

Mae Principality Masnachol wedi cytuno ar bartneriaeth gwerth £20 miliwn gyda Rochdale Boroughwide Housing Limited, gan nodi ein cytundeb benthyca cyntaf gyda chymdeithas dai yn Lloegr.

Rochdale Boroughwide Housing Limited yw'r Gymdeithas tai gydfuddiannol gyntaf y DU i fod yn eiddo ar y cyd i'w thenantiaid a'i gweithwyr.

Mae'r gymdeithas dai yn rheoli mwy na 12,000 o gartrefi ar draws y fwrdeistref ac yn darparu cefnogaeth hanfodol o ran tai a chymunedau i drigolion lleol. Bydd yn cynnal a gwella'r stoc dai bresennol o gartrefi cymdeithasol a fforddiadwy yn ardal dwyrain Manceinion Fwyaf gyda'r cyllid.

Mwy am y bartneriaeth

Wrth wneud sylwadau ar y cyhoeddiad, dywedodd Jan Quarrington, Uwch-reolwr Portffolio yng Nghymdeithas Adeiladu Principality:

“Mae'r bartneriaeth newydd hon yn nodi pennod newydd gyffrous i Principality Masnachol wrth i ni ymestyn ein cyrraedd a'n cyllid i Loegr. Mae cefnogi darparwyr tai yn Lloegr yn caniatáu inni gael effaith gadarnhaol mewn mwy o gymunedau gydag opsiynau tai fforddiadwy a gwasanaethau cymunedol, ac yn enwedig yn y Gogledd-orllewin lle mae gennym bresenoldeb cwsmeriaid cynyddol eisoes.

Fel cwmni cydfuddiannol, mae'n anrhydedd i ni bartneru â sefydliad sy'n rhannu ein hymroddiad i wneud tai yn fwy fforddiadwy a chyraeddadwy. Rydym yn hyderus y bydd y cyllid hwn yn helpu Rochdale Boroughwide Housing i barhau i gryfhau ei wasanaethau ac adeiladu cymdogaethau ffyniannus..”  

Dywedodd Amanda Newton, prif weithredwr yn Rochdale Boroughwide Housing:

“Rydym hefyd yn hynod falch o gael cefnogaeth ein harianwyr presennol ac o groesawu Principality i sector tai cymdeithasol Lloegr am y tro cyntaf. Mae'r pecyn hwn yn rhoi'r sefydlogrwydd a'r hyblygrwydd sydd eu hangen arnom i adeiladu dyfodol gwell gyda'n gilydd.” 

Dysgwch fwy am opsiynau benthyca Tai Fforddiadwy