Cefnogi Clovers, cartref preswyl moethus yn Surrey

Sut y gwnaethom helpu

Mae Principality Masnachol yn falch o barhau â'r bartneriaeth ag Aspire Luxury Properties drwy lwyddo i ariannu Clovers, Cobham — cartref moethus wedi ei adeiladu o'r newydd ar ffordd heddychlon yn Surrey.

Mae Aspire Luxury Properties wedi bod yn gleient gwerthfawr ers 2019. Datblygiad diweddar Clovers yw'r ail brosiect rydym wedi'i ariannu, ac mae dau ddatblygiad pellach ar y gweill ar hyn o bryd. Mae ein cydweithrediad parhaus yn adlewyrchu ymrwymiad a rennir i ddarparu cartrefi preswyl o ansawdd uchel gyda dyluniad a gorffeniad nodedig.

Dywedodd Gary Brine, Sylfaenydd a Phrif Swyddog Gweithredol Aspire Luxury Properties “Rydym yn dewis gweithio gyda Principality oherwydd maen nhw'n dîm ymarferol, sy'n hawdd gweithio gyda nhw, heb gymhlethdodau ac yn ymateb yn gyflym. Nhw yw'r gorau!”

“Rydym yn dewis gweithio gyda Principality oherwydd maen nhw'n dîm ymarferol, sy'n hawdd gweithio gyda nhw, heb gymhlethdodau ac yn ymateb yn gyflym. Nhw yw'r gorau!”

Darparodd Principality Masnachol gyllid datblygu preswyl o £2.1 miliwn, gan ganiatáu i Aspire gyflawni'r prosiect yn effeithlon ac i safon uchel.

Mwy am y prosiect hwn

Mae'r eiddo sengl cain hwn gyda phum ystafell wely a phum ystafell ymolchi yn cyfuno dyluniad cyfoes â lle helaeth ar gyfer bywyd teuluol. Wedi'i wasgaru ar dri llawr, mae Clovers wedi'i gynllunio ar gyfer bywyd cyfoes, gan gynnig lle byw helaeth, cegin bwrpasol gydag offer moethus, campfa o'r radd flaenaf, ac ystafell sinema breifat.

Yn swatio yn Cobham, lle dymunol iawn, mae'r cartref mewn lleoliad tawel, unigryw ond yn agos at ysgolion rhagorol, amwynderau lleol, a chysylltiadau trafnidiaeth cyflym i Lundain.

Dywedodd Charlotte Vick, Rheolwr Cysylltiadau yn Principality Masnachol: “Rydym wrth ein bodd i fod yn gweithio gydag Aspire Luxury Properties unwaith eto. Mae Clovers yn enghraifft wych o’r ansawdd y mae Aspire yn ei gyflwyno i bob prosiect. Bu'n bleser ei gefnogi wrth iddo barhau i dyfu ei bortffolio.”

Gyda Clovers ar y farchnad erbyn hyn, mae ein timau eisoes yn edrych ymlaen at ddatblygiadau yn y dyfodol.