Manteisio i'r eithaf ar eich lwfans ISA y flwyddyn dreth hon

Mae cyfrifon ISA yn parhau i fod yn un o'r ffyrdd mwyaf poblogaidd o gynilo yn ddi-dreth. P'un a ydych chi'n ychwanegu at ISA presennol neu'n ystyried agor eich un cyntaf, mae'n werth deall y rheolau er mwyn i chi allu gwneud penderfyniadau hyderus.

Os nad oes gennych chi ISA arian parod eto, ystyriwch a yw un yn addas i chi. Edrychwch ar ein canllaw hanfodion ISA neu porwch ein ISAs arian parod i gael gwybod a allai ISA arian parod fod yn addas ar gyfer eich nodau cynilo.

Efallai eich bod yn ychwanegu at ISA arian parod sydd gennych yn barod. Neu efallai eich bod yn ystyried agor eich un cyntaf. Beth bynnag, dyma beth sydd angen i chi ei wybod am ddefnyddio'ch lwfans ISA y flwyddyn dreth hon.

Deall eich lwfans ISA 

Gallwch gynilo hyd at £20,000 ar draws eich holl ISA bob blwyddyn dreth. Gall hyn fod yn ISA arian parod, ISA stociau a chyfranddaliadau, ISA Gydol Oes, ISA Cyllid Arloesol, neu gymysgedd ohonynt; yn dibynnu ar eich nodau.

Ffeithiau allweddol am gyfrifon ISA

• Mae lwfans yr ISA yn rhedeg o 6 Ebrill i 5 Ebrill.
• Ni fydd unrhyw lwfans ISA nas defnyddiwyd yn trosglwyddo i'r flwyddyn dreth nesaf. Os na fyddwch yn ei ddefnyddio - byddwch yn ei golli.
• Gyda Principality, dim ond i un ISA arian parod y gallwch dalu i mewn iddo bob blwyddyn dreth. Gall darparwyr eraill ganiatáu sawl ISA yn yr un flwyddyn.

Sut i ychwanegu at eich ISA arian parod

Mae ychwanegu arian at eich ISA arian parod fel arfer yn eithaf syml. Dyma'r ffyrdd o ychwanegu arian at eich ISA arian parod:

• Gwneud trosglwyddiad o'r banc o'ch cyfrif cyfredol.
• Trefnu rheol sefydlog i gynilo'n rheolaidd.
• Gwneud taliad untro ar-lein neu mewn cangen. 

Cyn i chi ychwanegu ato, gwnewch yn siŵr eich bod chi'n talu i'r cyfrif ISA arian parod cywir ar gyfer y flwyddyn dreth hon. Yn Principality, dim ond mewn un ISA arian parod y gallwch ddefnyddio'ch lwfans ISA fesul blwyddyn dreth. Gall darparwyr eraill ganiatáu ichi rannu'ch lwfans ar draws sawl ISA arian parod.

Cadarnhewch delerau eich ISA gyntaf

Nid yw pob ISA arian parod yn derbyn taliadau ychwanegol, yn enwedig cyfrifon ISA cyfradd sefydlog. Gall fod gan rai cyfrifon ISA derfynau, gofynion adneuo sylfaenol, neu amodau ar gyfer ychwanegu adneuon ychwanegol.

Cyn i chi ychwanegu mwy o arian at eich ISA, cadarnhewch:

• A yw eich ISA yn caniatáu adneuon ychwanegol?
• Beth yw'r ISA sy'n weddill gennych y flwyddyn dreth hon?
• A oes cosbau codi arian neu gyfnodau rhybudd?

Ddim yn siŵr? Edrychwch ar ddogfennau eich cyfrif neu cysylltwch â'ch darparwr. Gall gwiriad cyflym nawr eich helpu i wneud penderfyniadau da gyda'ch arian yn ddiweddarach.

Pam ychwanegu at eich ISA yn gynnar? 

Mae ychwanegu arian at eich ISA yn gynnar yn hytrach nag yn hwyrach yn rhoi mwy o amser i'ch arian ennill llog; yn ddi-dreth.

Dyma rai manteision ychwanegu at eich ISA yn gynnar:

• Mae gan eich arian fwy o amser i ennill llog.
• Gallwch wasgaru'ch cyfraniadau drwy gydol y flwyddyn.

Gall hyd yn oed taliadau bach, rheolaidd wneud gwahaniaeth i'ch cynilion dros amser.

Beth sy'n newid o 6 Ebrill 2027?

O 6 Ebrill 2027, bydd y swm y gall pobl dan 65 oed ei gynilo mewn ISAau arian parod bob blwyddyn dreth yn gostwng i £12,000.

Os ydych chi o dan 65 oed, bydd gennych chi lwfans ISA cyffredinol o £20,000 o hyd. Ond dim ond £12,000 ohono y gallwch ei ddefnyddio mewn ISAs arian parod.

Mae hynny'n golygu mai blwyddyn dreth 2026/2027 yw'r cyfle olaf a gewch (tan y flwyddyn dreth y byddwch yn troi'n 65 oed) i ddefnyddio eich lwfans llawn o £20,000 mewn ISAs arian parod.

Mae eich cynilion wedi'u diogelu

Os yw eich darparwr ISA yn cael ei reoleiddio gan yr FCA, mae eich cynilion yn cael eu diogelu gan y Cynllun Digolledu Gwasanaethau Ariannol (FSCS). Mae hyn yn cynnwys cynilon cymwys o hyd at £120,000 fesul person, fesul darparwr.

Os oes gennych fwy nag £120,000 mewn cynilion, ystyriwch eu gwasgaru ar draws darparwyr gwahanol i fanteisio i'r eithaf ar eich diogelwch.