Polisi Amgylcheddol

Mae Cymdeithas Adeiladu Principality wedi ymrwymo i gynnal ei busnes gyda pharch a gofal am yr amgylchedd. Bydd ein gweithgareddau’n cael eu cynnal gyda’r ystyriaeth briodol i’r amgylchedd fel rhan o’n harferion a’n hymdrechion i arbed ynni, lleihau’r defnydd o adnoddau anadnewyddadwy, atal llygredd a lleihau gwastraff. Byddwn yn sicrhau bod y Polisi Amgylcheddol hwn yn cael ei gyfleu, ei ddeall a’i gymhwyso’n gyson o fewn y sefydliad ac yn darparu fframwaith ar gyfer gosod amcanion rheoli amgylcheddol mesuradwy.

Er mwyn cyflawni'r uchod, byddwn yn gwneud y canlynol:

• Cydymffurfio â'r holl ofynion a rhwymedigaethau amgylcheddol cymwys, a chydnabod a glynu wrth unrhyw ofynion perthnasol cysylltiedig eraill sy'n ymwneud â'n heffeithiau amgylcheddol a osodir arnom.
• Ymrwymo i ddiogelu'r amgylchedd gan gynnwys atal llygredd.
• Monitro ein defnydd o ynni ac adnoddau naturiol gyda'r nod o leihau'r effaith amgylcheddol.
• Cefnogi addasiadau i brosesau sy'n lleihau gwastraff, ailddefnyddio ac annog ailgylchu.
• Gweithio i hyrwyddo ymwybyddiaeth, ymddygiadau a gweithredoedd amgylcheddol cadarnhaol yn weithredol.
• Asesu, ymlaen llaw lle bo modd, effeithiau amgylcheddol sy'n deillio o'n gweithgareddau busnes ac effeithiau amgylcheddol unrhyw ddatblygiad sylweddol ac addasu ein cynlluniau yn unol â hynny.
• Dangos ein hymrwymiad i wella ein system rheoli amgylcheddol yn barhaus gan ddefnyddio'r polisi hwn fel fframwaith ar gyfer gosod rhaglen o dargedau ac amcanion amgylcheddol ar gyfer ein gweithgareddau er mwyn gwella ein perfformiad amgylcheddol. Yn ein tro, byddwn hefyd yn ymrwymo i adolygu effeithiolrwydd ein targedau a'n hamcanion yn rheolaidd.
• Cadw'r Datganiad Polisi hwn dan reolaeth ddogfen ffurfiol a sicrhau ei fod ar gael i bartïon perthnasol sydd â diddordeb, yn ôl yr angen. Yn ei dro, bydd y polisi hwn hefyd yn cael ei adolygu'n rheolaidd i sicrhau ei fod yn parhau i fod yn addas a, lle bo angen, yn destun gwelliannau.