Newid yn y gyfradd gynilo
Ar 19 Mehefin 2025, byddwn yn gostwng y cyfraddau llog amrywiol ar gyfer cyfrifon cynilo 0.25%.
Beth mae hyn yn ei olygu ar gyfer eich cynilion chi?
Bydd y newid hwn yn effeithio ar y llog yr ydych yn ei ennill ar eich cynilion. Bydd y llog yn cael ei leihau 0.25%.
Defnyddiwch y tabl isod i ddeall sut y bydd yn lleihau'r llog ar eich cynilion.
| Lleihad yn y Gyfradd | £500 | £1,000 | £5,000 | £10,000 | £20,000 |
|---|---|---|---|---|---|
| 0.25% | £1.25 | £2.50 | £12.50 | £25.00 | £50.00 |
Mae’r llog a gyfrifir yn seiliedig ar y tybiaethau bod un cyfandaliad yn cael ei fuddsoddi, na chodir unrhyw arian a bod llog yn cael ei dalu’n flynyddol a Gros*/Di-dreth†.
Er enghraifft, os oes gennych falans o £5,000 mewn cyfrif Mynediad Hawdd Ar-lein, byddech yn cael £12.50 yn llai o log y flwyddyn.
A oes angen i mi hysbysu cyn cau fy nghyfrif neu godi arian ohono?
I weld pa rai o'ch cyfrifon sy'n newid, edrychwch ar eich llythyr neu neges e-bost a anfonwyd atoch. Os hoffech godi arian neu gau cyfrif, ffoniwch ni ar 0330 333 4000.
Fel arfer byddai angen i chi ein hysbysu cyn codi arian neu gau eich cyfrif er mwyn osgoi talu cosb llog. Fodd bynnag, gan fod eich cyfradd yn gostwng, gallwch gau eich cyfrif neu godi arian ohono ar unwaith, heb gosb, hyd at 5 Gorffennaf 2025. Ar ôl y dyddiad hwn, bydd y cyfnod hysbysu arferol ar gyfer eich cyfrif yn berthnasol.
Hysbysiadau cyfrifon
Hysbysiad 7 Diwrnod
30 Diwrnod Uniongyrchol
Hysbysiad 30 Diwrnod
60 Diwrnod Uniongyrchol
Hysbysiad 60 Diwrnod
Hysbysiad 30 Diwrnod ISA Arian Parod
Hysbysiad 60 Diwrnod ISA Arian Parod
Os oes gennych un o'r cyfrifon hyn ni fydd angen i chi ein hysbysu cyn i chi godi arian ohonynt.
Cyfrifon cynilo bob dydd
Mynediad Uniongyrchol
Mynediad Uniongyrchol Cangen
Mynediad Uniongyrchol (ex-ISA)
ISA Arian Parod Cyfradd Amrywiol
Cyfrif Plant
Cyfrif Cynilo Dylan Young
ISA Arian Parod Hawdd
Cyfrif Cynilo Hawdd
e-Gynilo Aeddfedrwydd
Cyfrif Cynilo Misol
Mynediad Hawdd Ar-lein
ISA Arian Parod Mynediad Hawdd Ar-lein
ISA Ar-lein
ISA Bonws Ar-lein
ISA Cyfradd Amrywiol Haenog
ISA Cyfradd Amrywiol Haenog Aelodau
Gan mai mynediad cyfyngedig yw'r cyfrifon hyn, fel arfer caniateir i chi godi swm cyfyngedig o arian ohonynt bob blwyddyn. Fodd bynnag, gan fod eich cyfradd yn gostwng, gallwch godi un taliad ychwanegol neu gau eich cyfrif hyd at 5 Gorffennaf 2025.
Cyfrifon mynediad cyfyngedig
Cyfrif Cynilo Bonws Mynediad Cangen 5
ISA Arian Parod Cynilo Bonws Mynediad Cangen 5
Cyfrif Cynilo Mynediad Cangen5
ISA Arian Parod Mynediad Cangen 5
Cyfrif Cynilo Rheolaidd Mynediad Triphlyg 1 Flwyddyn
Cyfrif Cynilo Mynediad Dwbl
Mynediad Dwbl Ar-lein
Enillwr Dysgwr
Camau Cartref Cyntaf
Camau Cartref Cyntaf Ar-lein
Cyfrif Cynilo Diolch
Cyfrif Cynilo Diolch Ar-lein
Cyfrif Cynilo Diolch y GIG
Cyfrif Cynilo Diolch y GIG Ar-lein
Cyfrif Cynilo Staff Ysgol
Mynediad Cyfyngedig Aelodau
Mynediad Triphlyg Ar-lein
Cyfrif Cynilo Mynediad Triphlyg Bonws Ar-lein
Cyfrif Cynilo Tîm Cartref
Mynediad Cyfyngedig Aeddfedrwydd
ISA Arian Parod Mynediad Cyfyngedig Aeddfedrwydd
Mynediad Triphlyg
ISA Arian Parod Mynediad Triphlyg
Cyfrif Cynilo Uwch Dylan
Cyfrif Cynilo Rhoddion
ISA Arian Parod Mynediad Bonws 5 Ar-lein
ISA Arian Parod Mynediad 5 Ar-lein
Rhagor o wybodaeth
Os hoffech drafod yr holl opsiynau cynilo sydd ar gael i chi, ffoniwch ni ar 0330 333 4000 neu anfonwch neges ddiogel atom drwy Eich Cyfrif.
Rydym yn gwneud popeth o fewn ein gallu i ddiogelu’r cyfraddau cynilo a gynigiwn, ond fel cymdeithas adeiladu gydfuddiannol sy’n eiddo i’n Haelodau, mae angen i ni ystyried ein cwsmeriaid morgeisi hefyd. Ar 8 Mai 2025, gostyngodd Banc Lloegr gyfradd y Banc i 4.25%, sydd wedi’i throsglwyddo i’n benthycwyr morgeisi. Wrth i ni dalu ein cynilwyr gan ddefnyddio'r incwm a gawn o fenthyca morgeisi, pan fydd cyfraddau morgeisi'n gostwng, yn naturiol mae'n lleihau'r incwm sydd gennym i dalu ein cynilwyr.
Fel arfer, caniateir i chi godi swm cyfyngedig o arian bob blwyddyn. Fodd bynnag, gan fod eich cyfradd yn gostwng, gallwch godi un taliad ychwanegol neu gau eich cyfrif hyd at 5 Gorffennaf 2025. Os ydych am godi un taliad o gyfrif ar-lein yn unig am swm o fwy na £20,000, gallwch wneud hyn drwy anfon neges ddiogel drwy Eich Cyfrif.
Rydym yn cynnig amrywiaeth o gyfrifon cynilo, mae’n bwysig dewis un sy’n diwallu’ch anghenion. Os oes angen help arnoch, ffoniwch ni ar 0330 333 4000 a byddwn yn hapus i helpu i fynd drwy eich opsiynau. Neu edrychwch ar ein cyfrifon cynilo i ddod o hyd i'r cyfrif sydd orau i chi.
^ Ystyr di-dreth yw na chaiff Treth Incwm a Threth Enillion Cyfalaf y DU eu didynnu o'r llog a enillwch. Mae hyn yn dibynnu ar eich amgylchiadau unigol, a gall newid yn y dyfodol.
* Llog gros yw’r gyfradd llog cyn didynnu treth incwm ar y gyfradd a osodir gan y gyfraith.
† Ystyr AER yw'r Gyfradd Gyfwerth Flynyddol ac yn dangos beth fyddai’r gyfradd llog pe bai llog yn cael ei dalu unwaith y flwyddyn ar y balans cyfan, gan gynnwys taliadau llog blaenorol.