Sut mae LTV yn gweithio

Trosolwg cyflym

Dysgwch ystyr benthyciad mewn cymhariaeth â gwerth (LTV), sut y caiff ei gyfrifo, a pham ei fod yn bwysig wrth wneud cais am forgais. Mae'r fideo hwn yn esbonio sut mae eich blaendal yn effeithio ar eich LTV a'r cyfraddau morgais y gallech gael eu cynnig.

Trawsgrifiad

Mae LTV yn sefyll am fenthyciad mewn cymhariaeth â gwerth. Dyma'r ganran o werth y cartref rydych chi'n ei fenthyca fel eich morgais.

Dywedwch fod y cartref rydych chi am ei brynu yn costio £200,000 a bod gennych £20,000 ar gyfer eich blaendal. Mae'r £20,000 hwnnw'n cynrychioli blaendal o 10% o gyfanswm cost y cartref.

Byddai angen i chi fenthyca £180,000 ar gyfer eich morgais. Gan fod £180,000 yn 90% o £200,000, byddai eich benthyciad mewn cymhariaeth â gwerth yn 90%.

Fel arfer, mae benthycwyr yn disgwyl i chi gael blaendal o 5% o leiaf er mwyn bod yn barod i roi morgais i chi.

Felly pam mae hyn yn bwysig?

Mae darparwyr morgeisi yn tueddu i gynnig cyfraddau llog is ar gyfer morgeisi sydd â benthyciad mewn cymhariaeth â gwerth (LTV) is.

Er enghraifft, mae'n debygol y byddech yn gweld bod gan forgeis LTV 90% gyfradd llog uwch na morgeis LTV 85% gyda'r un benthyciwr.

Yn y bôn, mae hyn yn golygu, po fwyaf yw eich blaendal, mwyaf tebygol yw hi y gallwch wneud cais am gynigion morgais da.

Sut y cyfrifir LTV?

Felly, os oes gennych flaendal o 9%, byddech yn gallu gwneud cais am forgeisi gyda benthyciad mewn cymhariaeth â gwerth (LTV) o 95%. Byddai angen blaendal llawn o 10% arnoch i allu gwneud cais am forgeis gyda chymhareb LTV o 90%.

Gadewch i ni edrych ar ein enghraifft gynharach.

Rydych chi'n dal i fod eisiau prynu'r un tŷ gwerth £200,000, ond y tro hwn mae gennych flaendal o £19,000.

Yn yr achos hwn, byddai unrhyw gynigion morgais a gewch gan fenthycwyr ar gyfer morgais â benthyciad mewn cymhariaeth â gwerth (LTV) o 95%.

Ond – pe baech yn cynilo£1,000 yn ychwanegol, byddai gennych flaendal o £20,000. Gan fod eich blaendal bellach yn 10% o gyfanswm gwerth y tŷ, byddech yn gymwys ar gyfer morgeisi â chymhareb LTV o 90%, yn debygol gyda chyfradd llog well.

Gall LTV fod yn gymhleth, ond os oes gennych unrhyw gwestiynau, gall ein cynghorwyr morgeisi bob amser helpu i roi rhagor o eglurhad yn seiliedig ar eich amgylchiadau personol.

Dychwelyd i egluro LTV

Eisiau dysgu mwy?

Dysgwch fwy am wneud cais am forgais a phrynu eich cartref cyntaf.