Ein Cynnig Cymraeg

Fel Cymdeithas Adeiladu yng Nghymru, rydym yn falch o’n treftadaeth, gan gynnwys yr iaith Gymraeg, a dyna pam yr ydym eisiau sicrhau bod ein Haelodau, cwsmeriaid a chydweithwyr yn gallu siarad â ni yn Gymraeg, yn ogystal â manteisio i’r eithaf ar ein gwasanaethau dwyieithog eraill.

Rydym yn falch iawn o fod wedi ein cydnabod gyda gwobr Cynnig Cymraeg gan Swyddfa Comisiynydd y Gymraeg, fel rhan o’r gydnabyddiaeth am bopeth yr ydym yn ei wneud i hyrwyddo a chefnogi’r Gymraeg. Rydym yn ymfalchïo yn y dewisiadau sydd ar gael ar gyfer ein cwsmeriaid Cymraeg eu hiaith ac yn parhau i weithio ar ddarparu amrywiaeth o wasanaethau a chyfleusterau Cymraeg i’n Haelodau.