Offer hanfodol y mae eu hangen ar bob perchennog tŷ

Mae angen tâp mesur ar bob perchennog tŷ. P'un a yw'n mesur dodrefn pan fyddwch chi’n symud i mewn am y tro cyntaf, neu'n rhoi cynnig ar rywfaint o DIY, dyma un o’r rhai mwyaf hanfodol.

Bydd unrhyw dâp yn iawn, ond ceisiwch gael gafael ar dâp mesur sy'n 5m o hyd ac yn eithaf llydan, fel na fydd yn plygu drwy’r amser wrth i chi fesur.

Un peth arall sy'n hanfodol ar gyfer DIY sylfaenol yw hen dyrnsgriw dibynadwy. 

Prynwch ddau dyrnsgriw pen gwastad, un mawr ac un bach, a dau dyrnsgriw pen-croes, un mawr ac un bach. Gelwir y rhain hefyd yn dyrnsgriwiau Phillips.

Efallai y byddwch hefyd yn gweld bod angen rhai tyrnsgriwiau bach iawn arnoch, sy'n ddefnyddiol ar gyfer agor caead batri mewn teclynnau.

Beth sydd i'w ddweud? Nid yw morthwylion wedi newid llawer dros y blynyddoedd. Maen nhw’n cyflawni’r gwaith yn iawn.

Morthwyl crafanc yw'r dewis gorau ar gyfer gwaith DIY sylfaenol amlbwrpas, oherwydd gellir defnyddio ei grafangau siâp ‘v’ i dynnu hoelion neu i wneud gwaith crowbar.

Gallwch gael rhai sydd â phennau dur gefail ollwng neu rai sy’n gytbwys o ran disgyrchiant gyda’r pwysau wedi ei ddosbarthu’n gyfartal, ond ar y llaw arall, gallwch wario llai na £10 a chael offeryn syml sy'n ddigon da a chadarn.

Bydd pobl sy’n hoffi dodrefn o Ikea a pherchnogion beiciau yn gwybod pa mor werthfawr yw allweddi Allen. Ond mae'n syndod pa mor aml y mae perchnogion tai angen dod o hyd i un o'r rhain er mwyn gosod sgriwiau sydd â phennau gyda thoriadau hecsagonol mewnol (y siâp hecsagonol hwnnw sy'n rhoi’r enw arall iddynt, allweddi hex).

Mynnwch set o wahanol feintiau a chadwch unrhyw rai a gewch chi am ddim gyda dodrefn pecyn fflat gan fod allweddi Allen yn offer na allwch chi byth fod â gormod ohonyn nhw.

Mae sbaner cymwysadwy, a elwir hefyd yn dyndro cymwysadwy, yn offeryn amlbwrpas sydd â genau y gellir ei gau neu ei agor i afael yn y nytiau a’r bolltau.

Os nad oes defnydd arall iddo, mae'n debyg y bydd ei angen arnoch i dynhau'r sedd tŷ bach o bryd i'w gilydd.

Mae'n debyg y byddwch yn defnyddio eich gefeiliau yn fwy nag y byddech yn ei ddisgwyl, i dynnu gwrthrychau ystyfnig, i dorri neu i ddal deunyddiau.

Ar gyfer set o dair gefail wedi'u hinswleiddio, rydych yn debygol o wario rhwng £10 a £20.

Mae dril diwifr, gyda darnau dril cysylltiedig yn offeryn hanfodol i hyd yn oed y rhai mwyaf amharod i wneud gwaith DIY.

Yn ogystal â’r swyddogaeth amlwg o ddrilio tyllau, bydd gallu eich dril i droi sgriwiau hefyd o gymorth gwirioneddol o amgylch y tŷ.

Ar gyfer gwaith achlysurol, gallwch brynu dril diwifr da am lai na £50.

Ni fydd hon yn ffitio yn eich blwch offer, ond bydd yn rhan hanfodol o'ch offer.

Heb ysgol, sut gallwch chi estyn i newid bwlb golau, neu glirio cafnau glaw?

Llifiau bwa, llifiau ffret, llifiau crynion... aiff y rhestr yn ei blaen. Er y gallech fod â chasgliad aruthrol un diwrnod, am y tro, gallwch ddechrau gyda llif llaw yn unig.

Hyd yn oed os nad ydych yn bwriadu gwneud unrhyw waith coed yn fuan, rydych yn dal yn debygol o fod angen yr offeryn sylfaenol hwn ar gyfer gwaith amlbwrpas o amgylch y cartref neu'r ardd. Neu hyd yn oed i dorri'ch coeden Nadolig yn ddarnau ym mis Ionawr.

Am lif llaw safonol, disgwyliwch dalu tua deg punt.

Blwch offer sylfaenol plastig yw'r cyfan sydd ei angen arnoch i storio eich offer newydd, a bydd yn eich galluogi i'w pentyrru'n daclus mewn un lle fel nad ydynt yn y ffordd, ond rydych bob amser yn gwybod lle maen nhw.

Mae'n ddefnyddiol i chi brynu blwch gyda llawer o adrannau bach i gadw sgriwiau, hoelion a ffasnyddion eraill.

Hefyd, cofiwch y bydd eich casgliad o offer yn anochel yn cynyddu dros y blynyddoedd, felly gadewch rywfaint o le ar gyfer ychwanegu rhai newydd.