Estyniad i’r groglofft: Sut ydw i’n dechrau?

Cyn cael gweithiwr proffesiynol i mewn, mae ychydig o wiriadau y gallwch eu gwneud eich hun. Yn gyntaf oll, gallwch fesur uchder y nenfwd i weld a oes digon o le uwch ben. Dylai’r man uchaf fod o leiaf 2.2 metr uwch ben y llawr. Mae’n bosibl na fydd unrhyw beth sy’n llai o ran maint yn addas i’w weddnewid.

Rydych eisiau digon o arwynebedd llawr hefyd i wneud y gweddnewidiad werth chweil. Fel rheol gyffredinol, dylai fod 5.5 metr o led, a 7.5 metr o hyd. 

Bydd gan eich tŷ drawstiau neu gyplau to, gan ddibynnu ar bryd y cafodd ei adeiladu. Mae trawstiau yn mynd ar hyd ymylon y to, gan eich gadael â chroglofft wag thrionglog. Mae hyn yn gwneud eich bywyd yn haws o ran gweddnewid croglofft. Cyneilyddion sy’n mynd drwy drawstoriad y groglofft yw cyplau. Os oes gennych gyplau, mae’n debygol o fod yn brosiect drutach, oherwydd bydd angen rhoi cymorth strwythurol ychwanegol yn eu lle.

Ystyriaeth arall yw addasrwydd y llawr o dan. Wrth greu lle uwchben, byddwch yn colli lle ar y llawr, oherwydd yr angen i gael grisiau. Felly, bydd yn rhaid ichi benderfynu ar floc o le yr ydych yn barod i’w golli.

Gan ddibynnu ar faint o le sydd gennych eisoes yn y groglofft, a faint sydd ei angen arnoch chi, mae’n bosibl yr hoffech ei hestyn. I gael syniad a fydd hyn yn bosibl, edrychwch ar dai tebyg yn eich stryd. Os oes gan unrhyw un ohonynt estyniad, mae hynny’n arwydd da.

Os yw’n ymddangos yn debygol y byddwch yn gallu gweddnewid y groglofft, y cam nesaf yw’r dasg fwy pleserus o benderfynu beth i’w wneud â’r lle. Er enghraifft, efallai y byddwch yn dymuno cael:

• Ystafell wely ychwanegol, un ag ystafell ymolchi gysylltiedig o bosibl
• Swyddfa gartref
• Ystafell amlbwrpas, lle byw arall o bosibl, gyda gwely soffa i westeion

Mae rhai ystyriaethau o ran defnyddio’r lle. Mae lle uwchben yn un pwysig, yn enwedig os yw llawer o’ch lle yn y bargodion. Gallai’r nenfwd onglog olygu nad oes gennych gymaint o le ag y mae’r cynllun yn ei awgrymu. Cyfrifwch faint o’r arwynebedd y gellir ei defnyddio’n gyfforddus gyda’ch dodrefn, ac a ellid defnyddio’r gweddill ar gyfer storio.

Yn yr un modd, os ydych chi’n ystyried cael ystafell ymolchi gysylltiedig, bydd angen digon o le uwchben arnoch – yn enwedig os byddwch yn gosod cawod.

Wrth ichi gynllunio, byddwch yn dechrau cael gwell syniad a oes gennych ddigon o le yn barod, neu a fydd angen ichi adeiladu estyniad. Dylai hyn helpu i lywio’r math o weddnewidiad i fynd amdano.